YouTube qullanıcıları Ermeni Bazar (Armânsk) sakinleriniñ qalp acılığı, Yaltanı suv basqanı, tabiat afetleri ve yol qazalarınıñ videosını çekti.
Crimea Days qullanıcısı, zararlı taşlantılarnen zeerlegen Ermeni Bazarnıñ sakininen intervyüni çıqarıp, öz saifesinde yayınladı. O, memüriyet şeerdeki kerçek alnı gizlegenini ayttı. “Şeer sasıy, balalarda zeerlenüv ve himiyaviy yanıqlarnıñ alâmetleri közetile. Qoqular avgustnıñ ortasında peyda oldı, aynıñ 23-nden soñ ise, yerli sakinler yayğara qoparıp başladı. Jurnalistleni qıdıra ediler, olar kelip vaziyetni çıqara edi, amma azırlağan malümatnı köstermege olarğa yasaqlaylar”, - dep ikâye etti qadın.
Yugyalta.rf vsö o Krıme qullanıcısı, Yaltadaki yağmurlardan soñ büyük tufan aqqında bir qaç video yükledi. Olarnıñ birisinde, Puşkinskaya soqağı aman-aman dağ özenine çevirilgenini körmek mümkün. Aqıntı o qadar gür oldı ki, tap qadınnı ayaqtan urıp, alıp ketti. Oña eki aqay yardım etti.
Qullanıcı Aleksandr Dubskiy Kefedeki şaşılacaq adiseniñ videosını yükledi. O yerde bulunğan adamlarnıñ aytqanına köre, şeerde birden eki hortum furtunasını körmek mümkün edi - cenüpte ve şimalde. İlk araştıruvlarğa esaslanaraq, bu adise neticesinde zarar körgenler yoq.
Vlad Kolesnik, Yaltada mikroavtobus piyade keçitinde eki qıznı urğanınıñ videosını yükledi. Müellifniñ aytqanına köre, qızlar Massandra sarayından kele eken. Adiseniñ aqibetleri aqqında malümat yoq.
Diqqat! Tesir etici video!
Nastya Mai qullanıcısı, Keriçte baqımsız yaqıt qoyuv stantsiyasını kösterdi. Videoda 2014 senesi işini toqtatqan Shell stantsıyası. “Şimdi özümi Çernobılde kibi is etem”, - dep çorlandı qadın.
