Ukrayına İç işler nazirligi XX asırnıñ 40-50-nci yıllarında İvano-Frankivsk, Ternopil ve Lviv vilâyetlerinden ukrayınlerniñ repressiya ve sürgün etilüvine dair arhiv vesiqalarınıñ gizliligini lâğu etti. Bu aqta müesstse fevralniñ 7-nda bildirdi.
Devlet arhiviniñ fondlarında 1940-ıncı ve 1950-nci yıllarda Ğarbiy Ukrayınadan kütleviy sürgükliklernen bağlı vesiqalar, İvano-Frankivsk, Ternopil v Lviv vilâyetleriniñ eşelon cedvelleri bar.
Bu vesiqalar cemaatqa açılacaq, em de resmiy saytlarda derc etilecek.
Komissiya İç işler nazirliginiñ devlet saa arhivine ileride de böyle malümatnı aydınlatmaq ve cemaatqa bildirmek kerek dep, arhiv davalarını ğayrıdan baquvnen oğraşmağa tevsiye etti.
Ekinci cian Cenk başlağan soñ Sovetler Birligi Ğarbiy Ukrayınanı işğal etip, kütleviy sürgünlikler kerçekleştirdi – 1939 senesiniñ soñundan başlap ve 1940 senesi devamında Sibir, Povoljye, Qazahistanğa ealiniñ 10 fayızından 20 fayızına qadar çıqarıldı.
Eñ büyük sürgünlik Almaniyanıñ Sovetler Birligine ücümi arfesinde, 1941 senesi mayısnıñ 22-nden iyünniñ 20-ne qadar oldı. İnsanlarğa bir şey almağa imkân bermeyip, qorantalarınen beraber çıqarğan ediler. Bu dalğada 300 biñ kişi sürgün etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
