Ukrayina prezidenti Volodımır Zelenskıy Herson vilâyetinde daa üç meskün yer azat etilgenini bildirdi
"Yalıñız bir kün içinde sahte referendumlardan Herson vilâyetiniñ Novovoskresensk, Novogrigorivka ve Petropavlovka meskün yerleri azat etildi. Areket devam ete", - dedi prezident.
Ukrayina prezidenti "Oleksandriya" operativ-strategik birleşmeniñ arbiylerine "muvafaqiyetli ücüm içün şarait yaratqanları, Hersonda faal arketlerniñ azırlanması" içün teşekkür etti
"Artıq körüngen neticeler bergen areketler, daa ziyade olacaq", - dep qoştı o.
Oktâbrniñ 3-nde Herson vilâyetiniñ arbiy memuriyet yolbaşçısı Yaroslav Yanuşeviç Herson vilâyetiniñ eki mesken yeri – Arhangelskoye ve Mirolübovka azat etilgeni aqqında bildirdi.
Oktâbrniñ 2-nde Herson vilâyetiniñ Novovorontsovskiy rayonında Kreşçenovka köyüniñ azat etilüvi aqqında içtimaiy ağlarda bildirdi. Ukrayına Silâlı quvetleri bu malümatnı resmiy şekilde tasdıqladı. Lâkin Ukrayına Mudafaa nazirliginiñ «Yug» operativ komandanlığınıñ birleşken koordinatsion matbuat hızmetiniñ yolbaşçısı Natalâ Ğumenük «muvafaqiyetler bar», dep bildirdi.
Amerika cenkni tedqiqt etüv institutınıñ ekspertleri, Limanda Rusiye ordusınıñ yutturuvı Lugansk vilâyetinde mevzilerni saqlamaq Ukrayına cenübi qadar müim olmağanını köstere, dep tüşüne.
Sentâbrniñ soñunda Pentagon Ukrayına arbiyleri «maqsadına irişip ileriley», dep bildirdi, cenüp ve şimalde Rusiye quvetleri mudafaa ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
