Rusiye ordusı avgustnıñ 23-ne keçer gecesi Ukrayinağa Voronej vilâyetinden eki «İskander-M»/KN-23 ballistik raketası ve Yeysk ve Kursktan 16 Shahed darbe uçucısızınen ücüm etti, dep bildirdi Ava quvetleri komandanı general-leytenant Mıkola Oleşçuk.
«Aviatsiya, radioelektron küreş bölükleri ve Ukrayina Mudafaa quvetleriniñ ateş gruppalarınıñ ava mudafaa uruşı neticesinde 14 «Şahed» urıp tüşürildi. Daa eki danesi coyuldı, zararlar aqqında haber etilmedi», – dep yazdı o, Facebookta.
Arbiylerniñ malümatına köre, Çerkası, Kirovograd, Poltava ve Sumı vilâyetinde ava mudafaası çalıştı.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Avgustnıñ 4-nde Ukrayina silâlı quvetleriniñ Ava küçleri eki buçuq yıl içinde sekiz biñden çoq Rusiye ava nişanı yoq etildi, dep bildirdi.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
