Link açıqlığı

Saatnıñ esas haberi

Qırımğa Rusiye ağır arbiy tehnikasınıñ eşelonı kete (+video)


Эшелон с российской техникой на Керченском мосту, февраль 2022 года
Эшелон с российской техникой на Керченском мосту, февраль 2022 года

Qırımğa Rusiye ağır arbiy tehnikasınıñ eşelonı kete. Onı Rusiye tarafından Keriç köprüniñ kirişindeki Tamal tren stantsiyasında körgenler. Videonı Qırım.Aqiqat muarririyetine oquyıcılar yolladı.

Видео эшелона с российской тяжелой военной техникой, едущей в Крым
Bekleñiz, lütfen

No media source currently available

0:00 0:00:14 0:00

Demiryol platformalarında müendis-saper maşinaları buluna, hususan T-55 tankı bazasında İMR-1 müendis maşinası. Ve gaubitsalar – 152-mm 2S19 «Msta-S» gaubitsaları (NATO tasnifine köre – M1990 «Farm») ve 122-mm 2S1 «Gvozdika» gaubitsası.

Bundan ğayrı, T-72 ve T-80 tankları, uruş piyade maşinaları, yük maşinaları – şu cümleden raketa taşıyıcıları bazasında.

Arbiy eşelonda qanatlı vagonlar ve yaqıt tsisternaları bar edi.

Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG