Qırımda arabasında Ukrayına bayrağı olğan erkek vaqtınca tutuv izolâtorına 13 künge qapatıldı. Bu aqta Rusiye uquq qoruyıcıları ile işbirligi yapqan Rusiye tarafdarı qırımlı bloger Aleksandr Talipov bildirdi.
Rusiyeniñ Ukrayınağa tam istilâsı yılında «İntsident Krım i Sevastopol» Rusiyege qoltutqan Telegram kanalında Ukrayına bayrağı ile apiske alınğannıñ araba videosı peyda oldı. Talipovnıñ şikâyetinden soñ Rusiye uquq qoruyıcıları aydavcı yerli sakin Vladimir Subbotin olğanını bildi. Onı daa evel garajında Ukrayına, Avropa Birligi ve ABD bayraqlarınıñ resimlerini qapatmağa mecbur ettiler. Subbotin ve imayesiniñ açıq izaatları yoq. Talipov aydavcı ne içün qabaatlana aytmadı. Rusiye uquq qoruyıcıları adise aqqınd açıq bir malümat bermey.
Rusiyede ve işğali altındaki topraqlarda Ukrayınağa qoltutqan sakinler taqip etile. Rusiye tarafdarı bloger Aleksandr Talipov Telegram kanallarında Ukrayınağa qoltutqan qırımlılarnıñ şahsiy malümatını derc ete. Talipovnıñ şikâyetleri neticesinde qırımlılarnı Rusiye ordusını «itibardan tüşürgeninde» qabaatlap, memuriy ve cinaiy mesüliyetke çekeler. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
