Aqyarnıñ merkezinde küçlü bir patlav eşitildi, dep bildire yerli Telegram kanalları. Qırım.Aqiqat mühbiri aytqanına köre, saat 18:33-te ve 18:38-de Aqyarnıñ merkezinde raketağa oşağan sesler eşitildi.
Şeerniñ Rusiye yolbaşçısı Mihail Razvojayev bu adiseni Rusiye arbiyleriniñ talimlerinen añlattı.
«Şeer merkezinde küçlü sesler – qarşı suv altı diversion mudafaası çerçivesinde profilaktik iş ve ava mudafaa sistemalarımıznıñ talimi», – dep yazdı Razvojayev Telegram kanalında.
Hatırlatamız, Razvojayev şeerde uçucısızlarnıñ ücümi qayd etildi, dep bildirgen edi. Onıñ aytqanına köre, Aqyar körfezinde bir uçucısız urıp tüşürildi.
Aprelniñ 29-na keçer gecesi Aqyarnıñ Kazaçya körfezinde cermay bazası yandı, dep bildirdi Qırım.Aqiqat mühbiri. Onıñ aytqanına köre, yanğın pek küçlü edi, tuman tek saba dağıldı. Gece saat ekilerde atış sesleri eşitildi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
