Link açıqlığı

Saatnıñ esas haberi

Aqyarnıñ merkezinde küçlü patlav yüz berdi


Aqyarnıñ merkezinde küçlü patlav yüz berdi, dep haber etti Qırım.Aqiqat mühbiri.

Onıñ sözlerine köre, patlav sesi şeerde rusiye arbiyleriniñ talimleri keçirilgeni zaman olğan seslerge beñzemegen, patlav dalğasından pencere camları titregen.

Küçlü patlav aqqında Aqyardaki Rusiye telegram kanalları da haber ete.

Bundan evel Aqyarnıñ Rusiye yolbaşçısı Mihail Razvojayev, RF Fevqulâde vaziyetler nazirliginiñ hadimleri saat 14-ten 18-ge qadar Qara Qoba bölgesindeki poligonda Ekinci Cian cenki vaqtından qalğan tahminen biñ arbiy yedekni yoq etecegini bildirgen edi.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.

Qırım yarımadası, 2014 senesi qanunsız işğalden soñ Rusiye tarafından arbiyleştirildi. Ukrayina, Qırım ile beraber işğal etilgen bütün topraqlarını azat etecegini bildire.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG