Aqyarnıñ suv teminatı: İnkerman ocağındaki gölden qalğanı (fotogalereya)

İnkerman ocağındaki göl şeerniñ eñ körümli yerlerinden biridir ve yerli sakinler ve turistler içün istiraat yeridir. Şaşılacaq manzaralar, temiz suv, balıqçılq ve qısqaç avı.

Ocaqnı Ekinci cian cenkinden soñra işlep çıqrıp başladılar. 1978-nci yılğa qadar uçurımnıñ qarşı tarafında yerleşken Muqaddes-Kliment manastırında, efsanege köre Muqaddes Kliment özü tarafından tapılğan bir menba bar edi. Patlatuv çalışmaları vaqtında yerastı suv aqıntıları zarar kördi, çoqraq qurudı ve ocaq tez-tez suv ile tolıp başladı. Suv seviyesi daimiydir. Şeerde suv anbarına Muqaddes Kliment ya da İnkerman gölü deyler.

Keçken sene qurğaqlıq olması sebebinden 2020 senesi noyabrniñ soñunda İnkerman ocağındaki gölden suv tulumbalap çıqarıp başladılar ve 2021 senesiniñ başında işçiler borularnı sökti. Rusiyeniñ nezaretinde olğan Aqyar şeer tasarrufat departamenti, bütün vaqıt içinde İnkerman ocağından tahminen 130 biñ metr kub suvnıñ qullanılğanını bildirdi. Bu ise Aqyarnıñ künlük qararına nisbeten az. Vodokanal işçileriniñ aytqanına köre, Qırımdaki qurğaqlıq bitken taqdirde göldeki suv seviyesi tahminen eki yıldan soñ eski alına kelecek.

Yerli sakinlerniñ, istiraat yerlerinden marum qalğanlarına dair şikâyetlerinden soñ, Aqyarnıñ Rusiye valisi Mihail Razvodayev, ocaqnıñ Qara özeninden borular ile gönderilgen suv ile toldurılacağını bildirdi.

Qırım.Aqiqat mühbiri bugün ocaq gölü nasıl körüngenini baqtı.