Yarımadada ava şaraiti bozulğanı içün "Sevavtodor" ("Aqyar maşna yolları") hızmetlerini küçleştirilgen iş rejimine keçirdiler.
Bunı,Rusiye nezaretindeki Aqyar ükümetiniñ matbuat hızmeti bildire.
Matbuat hızmetiniñ malümatına köre, bölge avtomobil yollarını qum ve tuz qarışmasınen işleycekler, şeerlerniñ içinde ise, yol hızmetçileri aytqanı kibi, buznı tez iritken sılatılğan tuznı qullanacaqlar.
"Birinciden havflı yol parçaları, piyade keçitlerinde toqtav qısımları, mektep avtobuslarnıñ ve içtimaiy naqliyatnıñ yürgen yolları işletilecek", - denile Aqyar ükümetiniñ beyanatında.
Bundan ğayrı, aydavcılarnı, mahsus tehnikanıñ işine mania olmamağa, surat rejimine uymağa, ozmalardan ve yolaq deñiştirüvlerden vazgeçmege çağırtalar.
Qırım gidrometeomerkeziniñ bildirgenine köre, dekabr 4-ünde Qırımda sılaq yağmur ve deñişici bulutlılıq olacaq.
Dekabrniñ 3-ünde Qırımnıñ cenübiy yalısındaki Ay-Petri platosında qar yağdı.
Dumanlı Aqyar: yarımadada "London" avası (suret toplamı)
