Aqyarda iyül 24-ünde saba bir qaç soqaqta yarıq söndi. Bu aqta Qırım.Aqiqatqa yerli sakinler bildirdi.
Aqyarnıñ rusiyeli akimiyetiniñ nevbetçi hızmetinde, Qırım.Aqiqatqa tefsir bererek, elektrik teminat Ostrâkova, Vatutina, Supruna ve başqa soqaqlarda olmağanını bildirdiler. Olarnıñ malümatına köre, "Sevastopolenergo" qaza sebeplerini bilmege tırışa.
"Sevastopoloenergo" şirketinde, yüksek volt qazası oldı dep bildirdiler, bunıñ sebebinden hat söndürilgen edi. Qaza yerinde tamirciler taqımı çalışmaqta.
Olarnıñ malümatına köre, elektrik teminat Gogolâ, 4-ya Bastionnaya soqaqlarında ve qısmen Generala Ostrâkova caddesinde yoq. Tamir işlerini bitirmek içün tahminen eki saat kerek.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-nde Rusiye prezidenti Vladimir Putin Aqyarğa keldi. O, işğal etilgen Qırımda Siemens turbinalı eki elektrostantsiyasınıñ işke başlamasını buyurdı. Videoda onıñnen beraber Tavriya issilik elektrostantsiyası ve Tamandaki «Port» alt stantsiyasınıñ mütehassısları bar edi.
