Bazarertesi künü, mayısnıñ 20-sinde, tamirlev sebebinden Aqyarnıñ bir qısmı yarıqsız qalacaq. Bu aqta "Sevastopolenergo" bildirmekte.
Müessise malümatına köre, saat 9:30 - 11:00 bu adresler boyunca yarıq olmaycaq: Gagarina caddesi, 19-29; Yefremova soq., 1-A, 1; Şçelkunova soq., 1-15.
9:00 - 17:00 yarıq böyle adresler boyunca olmaycaq: 19 Portsyezd soq., Kolhoznaya soq., Uzlovaya soq., Çernoreçenskaya soq., Sovhoznaya soq.
Bir kün evel "Sevastopolenergo" şeerde mayıs ayında yarıq söndürilüviniñ cedvelini derc etti.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
