Tamir işleri neticesinde Aqyarnıñ bir qısmı aprelniñ 20-sinde yarıqsız qalacaq. Bu aqta “Sevastopolenergo” müessisesi bildire.
Böylece, yarıq teminatı saat 9:00-dan saat 17:00-ğace böyle adresler boyunca olmaycaq: İnjenernaya soq., 47-49; Sedova soq., 24-26; Kamanina soq., 29-31; Duvanköy (Verhnesadoboye) köyü: Sernovodnıy aral., 4-10; Bratskiy aral., 8-12, 3-5; Odintsova soq., 2-12, 16-24; Parşina soq., 14, 16, 17-31; Sevastopolskya soq., 1-49, 2-52; Mirnıy aral., 4-8.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
