Link açıqlığı

Aqyarnıñ 3 sakini qıtağa 5 millionnı ketirip olamadı – Devlet sıñır hızmeti


Ukraina Devlet sıñır hızmetiniñ hadimleri bugün qıtağa yol alğan Aqyarnıñ 3 sakininde 5 million grivna taptı.

Bunı Ukraina Devlet sıñır hızmetiniñ matbuat-hızmeti bildire.

Onıñ berge malümatına köre, aqyarlılarda aqçanı «Melitopol» demiryol noqtasında taptılar.

«Aqyar-Dnepropetrovsk» poyezdiniñ sıñır kontroli vaqtında uquq qorçalayıcılar olarnıñ şeylerini diqqat ile baqmağa qarar aldılar. Yükniñ teşkerüvinde erkeklerniñ birisinde tahminen 5 million grivna tapıldı. Olar cemidannıñ ekileme tübinde saqlı edi», – denile beyanatta.

Al-azırda Ukraina havfsızlıq hızmetiniñ hadimleri bu aqça kimge ve ne maqsat ile ayırılğanını soraştıra.

Qırımlılar qıtağa endi bir qaç kere böyle büyük para miqdarını alıp ketmege areket ete.

Aprel 15 künü aynı şu yerde sıñır bekçileri çaparlardan 1,8 million grivna tutıp aldı. Bir oğlan ve 3 qız «Aqmescit-Dnepropetrovsk» poyezdinde kete edi. Aytqanlarına köre, olar çapar olıp, şu aqçanı Ukraina şarqında antiukrain mitinglerniñ parasını bermek içün alıp kete ekenler.
XS
SM
MD
LG