Rusiye kontrolindeki Aqyar Balıqlava rayon mahkemesi yerli sakinni «ekstremist faaliyetine açıq çağırğanında» qabaatladı, dep bildirdi çarşenbe künü Qırımdaki Rusiye FSB idaresiniñ matbuat hızmeti.
«Mahküm cinayet işlegeninde qabaatlı tanılıp, ve qabaatını bütünley tanığanı içün 100 biñ ruble para cezasını ödemesine üküm etildi», – dep aytıla FSB haberinde.
Müessise, 35 yaşında doğma Özbekistanlı «radikal islâmcılar gruppasınıñ lideri» olıp, Aqyarnıñ din müessiselerinden birinde «yasaqlanğan edebiyatnı qullanıp vaaz bergen edi», dep bildire.
«Qapalı subetlerde müminlerniñ mefküresine kirişip, ekstremist faaliyetine yañı azalarnı celp etken edi. Yaşağan yerinde keçirilgen tintüv vaqtında mahkümniñ yasaqlanğan edebiyatı da alındı», – dep bildire FSB.
Müessise malümatına köre, dava mabüsi qabaatını tanıdı. Dava Rusiye Ceza kodeksiniñ «ekstremist faaliyetine çağıruv» maddesine istinaden baqıldı.
Diger menbalar bu malümatnı tasdıqlamay, FSB mahkümniñ adı ve soyadını aydınlatmay, aqyarlı ve imayesiniñ izaatları yoq.
