Qırımnıñ Telegram kanalları uçucısızlarnıñ Aqyarğa ücüm videolarını derc etti.
Derc etilgen videolarda eki farqlı patlav bar. Bir uçucısız tüşürilgen, dep aytalar, ekincisi – patlağan eken.
Ağda patlav aqibetleriniñ fotoları peyda oldı – bazılarında yalıdaki evlerniñ camları qırıldı ve reklamda aydınlatuv yoq. Patlav dalğasından yañı qurulğan binada balkon qapuları ve pencereleri açıldı.
Aprelniñ 24-ne keçer gecesi Qırım.Aqiqat mühbirleri Aqyardaki patlavlar aqqında haber etti. Olarnıñ aytqanına köre, patlavlar Nahimov oquv yurtu ve Streletskaya körfezi yaqınlarındaki arbiy bölükler rayonında eşitildi. Zenit topu ve atıcı silâ ateşleri de eşitildi.
Malümatnı şeerniñ Rusiye yolbaşçısı Mihail Razvojayev tasdıqladı. Onıñ aytqanına köre, gece Aqyarğa suv üstü dronlar ücüm etti – bir uçucısız yoq etildi, ekincisi özü patladı.
Ukrayına Silâlı quvetleriniñ spikeri Yuriy İgnatnıñ aytqanına köre, Ukrayına ordusı çeşit uçucısızlarnı arttırmağa devam etecek, çünki böyle nişanlar qolay degil.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
