Aqyarnıñ Fiolent burnunda yanvarniñ 4-nde aqşam patlav ve yanğın oldı, dep haber ete şeerdeki Rusiye Federatsiyasınıñ Fevqulâde vaziyetler nazirliginiñ idaresi ve yerli Telegram kanalları.
«Yanvarniñ 4-nde saat 23-niñ 1-inci daqqası… şaatlardan haber keldi, «Nezabudkada» qurucılıq vagonçığı yana. O yerge Rusiye Fevqulâde vaziyetler nazirliginiñ quvetleri çıqtı… Adise yeri baqılğanda can bergen er adam tapıldı. Acele yardım ölgenini tasdıqladı. Saat 23:47-de yanğın bütünley söndürildi. Onıñ meydanı 20 metr kâre oldı», – dep aytıla Aqyardaki Rusiye Fevqulâde vaziyetler nazirliginiñ idaresi bergen haberde.
Yerli Telegram kanalları Fiolentteki yanğınnıñ foto ve videolarını derc ete. «ÇP/Sevastopol» yanğın sebebi gaz ballonınıñ patlaması oldı, dep bildire. Resmiy malümat berilmey.
Rusiye polisi Aqyarda limuzin yandı, dep bildirgen edi. ForPost Aqyar neşiri laf maşinanı ateşke berüv aqqında kete edi, dep tahmin ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
