Aqyarda Geroyev Sevastopolâ soqağında yol qazası oldı, onıñ neticesinde bir aqay elâk oldı. Bu aqta Rusiye İİN-niñ şeer idaresi bildire.
"6.15 saba "Lada Granta" maşnasınıñ 35 yaşındaki aydavcısı Geroyev Sevastopolâ soqağından kete edi. Maşna idaresini baş etip olamayıp, o yarıq tayanğıçına uruldı. Qaza neticesinde, aydavcınıñ artında oturğan yolcu, acele yardım kelmezden evel vefat etti. Yaralı aydavcını hastahanege alıp kettiler", - denile beyanatta.
Polis, şimdi qaza sebeplerini bilmek icün teşkerüv keçirile, dep haber etti.
Qırımlı qurtarıcılarnıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.
