Sentâbr 22-sinde saba Aqyarda Mersedes avtomobili yol qazasına tüşti. Qazanı körgen adamlar içtimaiy ağlarda bildirgeni kibi, bir yaralanğan adamnı acele yardım maşnası alıp ketti, daa ekisi özleri ketti.
Tefsirlerde vaqianıñ tafsilâtı peyda oldı. Maşnada olğan eki qıznıñ kemikleri qırılğan, aydavcınıñ tek bir-eki yerde teni tırnalğan, maşnadan uçıp çıqqan yigitni ise acele yarım alıp ketken.
"Bugün saat 5:30-da, bütün olğan manialardan keçip, Mersedes azbarımızğa uçıp keldi. Esini coyğan bir adamnı acele yardım alıp ketti, daa ekisi özü ketti. Dörtüncisi politsiyanen añlaşmaq içün qaldı. Maşna darma-dağın oldı", - dep yazalar VKontakte içtimaiy ağında "Avtopartnör Krım" topluluğında.
Başqa adamlar ise, maşna yerge qonğanı yahşı oldı, dep yaza, çünki başqa türlü binanıñ divarına urulacaq edi ve aqibetleri yaramayca olacaq edi.
Qırım fevqulâde müessiselerniñ saytlarında Aqyar yol qazası aqqında hber yoq.
Qırım FVN-ne köre, yılnıñ başından yarımadada 575 yol qazası oldı, olarda 849 adam qurtarıldı.
