Rusiye FVN-niñ Aqyar idaresi, iyün 18-inde olğan yaramay avanıñ neticeleri aqqında bildire. Küçlü sağanaq neticesinde bir qaç bina ve inşaat suv toldı.
"Kommunistiçeskaya, 15 soqağındaki kitaphaneniñ bir mağazı, Yaltinskaya, Silantyeva, Yujnogorodskaya soqaqlarındaki evlerniñ azbarları suv toldı, Bundan ğayrı, Kulakova ve Makarova soqaqlarında 2 terek yıqıldı", - denile beyanatta.
Müessisege köre, qurtarıcılar mağazlardan ve azbarlardan suvnı çıqardı, tereklerni pıçtı. Qazağa oğrağan adam olmadı, dep bildire Aqyar qurtarıcıları.
İyünniñ 18-nde Aqyarda burçaqlı yağmur yağdı.
Aqyardaki Rusiye Fevqulâde vaziyetler nazirliginiñ idaresinde iyünniñ 18-nde olacaq yaramay ava aqqında bildirip, ihtiyac olmağanda evlerini terk etmemelerini rica etti.
Qırımda iyünniñ 18-nde ve 19-nda bazı yerlerde küçlü sağanaq, boranlı yağmur, burçaq yağması, saniyede 20-25 metr süratınen yel esmesi beklenile.
