Aqyarda Gagarin caddesinde avgust 17-sinde saba çoq qatlı evlerniñ birisinde yanğın oldı. Rusiye FVN-niñ şeer idaresinde haber etkenleri kibi, birinci qattaki kvartirada mebel yandı.
Qurtarıcılar, tütünlengen binada saqat adamnı tapqanlarını ayta.
"Qazağa oğragan adam birden tışarığa çıqarıldı ve acele yardım hadimleriniñ ellerine berildi. Bunıñnen baraber qomşu kvartiralardan da adamlar tahliye etildi, umumen 17 adam, olarnıñ arasında 1 bala, evlerinden çıqtı", - denile beyanatta.
Müessise malümatına köre, yanğınnı bir saatta söndürdiler, sebepleri tayin etile.
