Aqyarda dekabrniñ 13-nde yağmur ve burçaq yağdı.
Qırım.Aqiqat mühbiriniñ bildirgenine köre, burçaq 4-5 millimetrlik.
Saba saat 11-nde ava arareti 5 derecege qadar köterildi.
Şeer sakinleri burçaq fotoresimlerini ve videolarını içtimaiy ağlarda derc ete.
Sinoptiklerniñ malümatına köre, Aqyarda dekabrniñ 13-nde yağmur yağması ve saniyede 7-12 metr süratınen cenübiy-ğarbiy yel esmesi beklenile. Kündüz ava arareti 8 derece olacaq.
Dekabrniñ 12-ne keçer gecesi Qırımda bir sıra regionnıñ sakinleri ava bozulğanından elektriksiz qaldı. Daa soñra yaramay ava sebebinden zarar körgen meskün yerlerniñ cedveli aydınlatıldı. Küçlü ruzgârdan sebep tahminen 50 elektrik ağlarınıñ ayaqları tüşti, dep bildirdi «Krımenergo».
