Aqyar ve Aqmescitte Rusiye akimiyeti, quralaynıñ 9-ında Rusiye Federatsiyasında ve Ukrayinanıñ işğal etilgen topraqlarında qayd etilgen, Ekinci cian cenkindeki Ğalebe künü munasebetinen bu şeerlerdeki ebediy ateş memoriallarına çeçekler qoyğan.
Aqmescitte Qırımnıñ Rusiye yolbaşçısı Sergey Aksönov Aqmescit Gagarin adına parkındaki ebediy ateş ögüne çeçekler qoyğan. Rusiye Federatsiyası tarafından idare etilgen Aqyarnıñ başı Mihail Razvojayev de 1941-1942 seneleri Aqyarnıñ qaraman mudafaası memorialındaki ebediy ateş yanına çeçekler qoyğan.
Lâkin Qırım yarımadasında Ğalebe kününi qayd etmek içün kütleviy tedbirler ötkerilmeycek. Rusiyeniñ idaresi altındaki yerli akimiyet «havfsızlıq sebeplerinden» kütleviy tedbirlerni sıñırlamağa qarar berdi.
Rusiyeniñ Qırım yolbaşçısı Sergey Aksönovnıñ emrine köre, quralaynıñ 9-nda açıq yerlerde kütleviy tedbirler sebebinden olmacaq, çünki dron ücümi telükesi bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.AqiqatnıñTelegram ve İnstagram saifelerinden taqip etiñiz.
