Aqyarda eki ukrain abidesi – Getman Sagaydaçnıy eykeli ve Ukraina Arbiy-deñiz quvetleriniñ 10 yıllığı abidesini bozıp qoydılar. Böyle bir qararnı Rusiye prezidenti tarafından tayin etilgen Aqyar valisi vazifelerini eda etken Sergey Menâylo qabul etti. Bunı «ForPost» Aqyar saytı bildire.
Saytnıñ malümatına köre, Sergey Menâylo Aqyar – Rusiye gemicileriniñ şeeri, «Aqyarda diger gemiciler evel-ezelden olmadı. Onıñ içün men adaletni ğayrıdan tiklemege qarar aldım», dep bildirdi. Onıñ aytqanına köre, aynı bu sebepten mezkür qarar qabul etildi.
«Biz olarnı alıp, paketleycekmiz ve Kiyevge yollaycaqmız. Olar bu abidelerni tiklediler, olar bu şahslarnı ve bu taşlarnı ürmet eteler, ürmet etmege devam etsinler aysa», – dep ayttı «gubernator».
Sergey Menâyla Rusiye prezidenti Vladimir Putinniñ 2014 senesi aprel 15-ne ait qararına köre Aqyar valisi vazifelerini eda etecek adam olaraq tayin etildi.
Saytnıñ malümatına köre, Sergey Menâylo Aqyar – Rusiye gemicileriniñ şeeri, «Aqyarda diger gemiciler evel-ezelden olmadı. Onıñ içün men adaletni ğayrıdan tiklemege qarar aldım», dep bildirdi. Onıñ aytqanına köre, aynı bu sebepten mezkür qarar qabul etildi.
«Biz olarnı alıp, paketleycekmiz ve Kiyevge yollaycaqmız. Olar bu abidelerni tiklediler, olar bu şahslarnı ve bu taşlarnı ürmet eteler, ürmet etmege devam etsinler aysa», – dep ayttı «gubernator».
Sergey Menâyla Rusiye prezidenti Vladimir Putinniñ 2014 senesi aprel 15-ne ait qararına köre Aqyar valisi vazifelerini eda etecek adam olaraq tayin etildi.
