Link açıqlığı

Aqyarda polis hadimleri Gromadske TV mustaqil ukrain kanalınıñ jurnalistlerini Tetâna Kozıreva ve teleoperator Karen Arzumanânnı yaqaladılar. Olar Nahimov meydanındaki mitinginiñ canlı yayınlavını çıqara edi, dep bildire Tsentr jurnalistskih rassledovaniy.

Tetâna Kozıreva tarif ekeni kibi, olarnı Lenin İçki işler nazirliginiñ rayon bölüginde tutatalar.

Onıñ sözlerine köre, yayınlav vaqıtta olarğa mitingniñ esli başlı iştirakçileri tarafından qabaatlar atılmağa başladı. Olarnı Qırım vaziyetiniñ yañlış aydınlatuvda qabaatlay ediler. Polis hadimleri jurnalistlerni Lenin rayon bölügine ozğardılar. Nefaqacılar da mında keldi.

«Politsiyada bizge eyi munasebet kösterile. Vesiqalarımıznı ve telefonlarımıznı almadılar. Biz Aqyardaki işimiz aqqında tarif etik. Amma bizni daa yibermeyler. Qartiyler bizni qabaatlamağa devam ete, biz, kerçekten aytsaq, özümizni nasıl alıp barmaq da bilmeymiz», – dedi Kozıreva.

Rusiye istilâsından başlap Ukrainada söz serbestlik aqqınıñ 368 bozuluvı qayd etilgen edi.
XS
SM
MD
LG