Aqyarda saat 15:02-den başlap aman-aman bir buçuq saat ava telükesi sesi oldı, Rusiye akimiyeti şeerde tüşürilgen eñ az eki dron aqqında bildirdi.
"Aqyarda arbiyler Ukrayina Silâlı quvetleriniñ ücümini krei qaytara, ava mudafaası ve mobil ateş gruppaları çalışa. İlk malümatqa köre, Felenk ve Şimaliy tarafta 2 ava nişanı urıp tüşürildi", – dep yazdı Rusiye kontrolindeki şeer yolbaşçısı Mihail Razvojayev.
Saat 16:23-te Razvojayev ava telükesi bitti, dep ilân etti. Rusiye ve Ukrayina arbiyleri ücümni şimdilik izaatlamadı.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay.