Aqyarda Fiolent burnunda martnıñ 9-ında bir aqay uçürımdan yıqılıp elâk oldı, haber ete Rusiye FVN-niñ Aqyyar idaresiniñ matbuat hızmeti.
Müessise qayd etkeni kibi, qaza "Mayak" turağı yanında oldı.
"Qaza yerine kelgende, eki aqay 16 metr yüksekliginden yıqılğanı belli oldı. Qurtarıcılar olarnıñ yıqılğan yerine cayav tüşti. Adamlarğa barıp yetkende, birisi ölü, ekincisi ise yaralı olğanını kördiler. Onı yuqarığa köterip, acele yardım hadimleriniñ eline berdiler", - denile hızmetniñ beyanatında.
Qurtarıcılarnıñ malümatına köre, yaralanğan aqay hastahanege qoyuldı. Elâk olğan adamnıñ şahsiyetini şimdi bilmege tırışalar.
Martnıñ 4-ünde aqşam Simeiz qasabasında Rusiyeden kelgen turist Cıva qayasından deñizge yıqıldı.
