Link açıqlığı

Saatnıñ esas haberi

Aqyarda Rusiyeniñ «BARS-Sevastopol» arbiy bölügi ve diger Rusiye uquq qoruyıcılarınıñ talimleri keçe


Mihail Razvojayev
Mihail Razvojayev

Yanvarniñ 31-nde Aqyarda «BARS-Sevastopol» Rusiye arbiy bölügi, SGUP «Otrâd Sevastopol» ve «Sevastopolskiy kazaçiy okrugınıñ» talimleri keçe, dep bildirdi Rusiye Federatsiyası kontrolindeki şeer yolbaşçısı Mihail Razvojayev.

«Bu büyük talimniñ maqsadı – duşman diversiya gruppalarınıñ kirüvine qarşı turmaqnıñ talimini keçirmektir. Yalta alqası, Tılovoye, Fruktovoye, Andreyevka ve Orlovskiy köprü, Şimaliy taraf yalısı ve Balıqlavada talimler keçirile. Talimler bugün bütün kün devam etecek», – dep haber etti Razvozjayev içtimaiy ağlarda.

Talimler vaqtında mahsus tehnika qullanılacaq, blok-postlar açılacaq.

Kezlevde ve Saq rayonında yanvarniñ 25-nde «BARS-Krım» Rusiye arbiy bölüginiñ büyük talimleri» keçirildi.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti «Ukrayina uçucısızlarına» qarşı atış, «ava mudafaasınıñ işi» ve Rusiye arbiyleriniñ «talimleri» dep ayta.

Qırımtatar resurs merkezi haber etkenine köre, Qırımda 2024 senesi yanvar ayından sentâbr ayına qadar Rusiye ordusı ve uquq qoruyıcıları eñ az 99 arbiy talim keçirdi.

Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG