Martnıñ 18-inde Aqyarda Hahimov meydanında, ilhaqnıñ 5 yıllığını qayd etip, talebe ve studentler 70 metrlik Rusiye bayrağını yaydı. Bu aqta şeerniñ rusiyeli akimiyetiniñ matbuat hızmeti bildirdi.
Aktsiyada Rusiye Qara deñiz flotunıñ komandanı Aleksandr Moiseyev ve şeerniñ rusiyeli akimiyetiniñ vekilleri iştirak etti.
Aqşam Rusiye icracılarınıñ iştiraginen kontsert keçirilecek. Onda Aleksandr Marşal, Stas Pyeha, Vika Tsıganova, Yuliya Saviçeva, Olga Kormuhina ve başqa yırcılar, “Gorod 312”, “Zemlâne”, “Gradusı” taqımları iştirak etecek. Tedbit saat 21:00-da salüt ile bitecek.
5 лет «крымской весны». В Севастополе прошел мотопробег «Ночных волков» (фотогалерея)
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
