Aqyarda avgustnıñ 22-nde kene patlav sesleri eşitilgen. Bunı yerli telegram kanalları ve "VKontakte" içtimaiy ağınıñ qullanıcıları haber etti.
"Şeerniñ aman-aman bütün yerlerinde patlav sesleri eşitildi. Aqyar sakinleriniñ yazğanına köre, eñ şiddetli sesler Fiolent tarafında olğan: evlerniñ pencereleriniñ camları tasırdap başlağan ve maşna signalizatsiyası işlegen. Eñ meraqlısı bu sesler atta Rodnoye köyünde eştilgen. Balıqlavada da camlar tasırdap başlağan", - dep haber ete "ÇP Sevastopol" telegram kanalı.
Şeerniñ Rusiye başlıqları bu malümatnı daa izaatlamadı.
Evel, Aqyarda sığınaqlarnı teşkermege başlağanları haber etildi.
Soñki afta içinde Qırımda birden bir qaç arbiy obyektte patlavlar yüz berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
