Aqyarnıñ merkezinde noyabrniñ 16-nda saba reaktiv bomba atıcılarğa oşağan küçlü patlavlar eşitildi, dep haber ete Qırım.Aqiqat mühbiri.
Onıñ aytqanına köre, sesler saat 7:50-de eşitildi. «Krımskiy veter» Telegram kanalı patlav sesi aqqında bildirdi. Şeerniñ Rusiye akimiyeti vaziyetni daa izaatlamadı.
Rusiye Federatsiyasınıñ Mudafaa nazirligi ise Qırım yarımadasına Rusiye arbiyleri Qara deñizde tutqan dep bildirilgen üç uçucısız ücüm etken eken. Bu malümatnı başqa menbalardan teşkermek imkânsız ola.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
