Aqyarda dekabrniñ 20-nde saat 10:40-ta ava telükesi ilân etildi. Bu haberni şeerniñ Rusiye yolbaşçısı Mihail Razvojayev derc etti.
Aynı vaqıtta, şeerniñ deñiz yolcu naqliyatı işini toqtattı. Rusiye monitoring saifeleri eki Neptun raketası aqqında bildire. Olar Aqyar tarafına uçurılğan eken. Bu malümatnı tasdıqlaycaq mustaqil bir menba yoq.
Yañı malümat: saat 10:55-te şeerniñ Rusiye yolbaşçısı Mihail Razvojayev ava telükesi bitti, dep ilân etti.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
