Aqyarda martnıñ 4-nde ava mudafaa sistemasınıñ talimleri planlaştırıla, dep bildirdi şeerniñ Rusiye yolbaşçısı Mihail Razvojayev.
«Talimlerniñ tahminiy vaqtı – saat 11:00-dan ve kün devamında. Küçlü ses eşitseñiz, qasevetlenmeñiz. Şeerde tınçlıq», – dep ayttı o.
Qırımda martnıñ 1-ne keçer gecesi yarımadanıñ çeşit rayonlarında patlavlar eşitildi, dep bildirdi «Krımskiy veter» Telegram kanalı. Rusiye tarafdarı bloger Aleksandr Talipov uçucısızlarnıñ ücümi aqqında ayttı. Qırımnıñ Rusiye akimiyeti ücüm aqqında haber etmedi.
Rusiye Federatsiyasınıñ Mudafaa nazirligi «Kyiv Qırımnıñ obyektlerine kütleviy şekilde ücüm ete», dep bildirdi. Rusiye müessise 6 uçucısız tüşürildi, dep bildire. Qaç uçucısıznıñ olğanı aydınlatılmadı. Rusiye akimiyeti zarar körgenler yoq, dep bildirdi. Kyiv Qırımğa qarşı bir ücüm aqqında izaat bermedi.
RBK Rusiye agentligi menbalarına esaslanıp, Qırımda uçucısızlarnıñ ücümi neticesinde arbiy bölük zarar kördi, dep yazdı.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
