Tefsir 2022 senesi aprel ayında VKontakte Rusiye içtimaiy ağınıñ gruppalarından birinde qaldırılğan edi.
''Küfür sözni ve "rus tübü'' ifadesini qullanğan metin eñ azından 2023 senesi noyabr ayına qadar toplulıq saifesinde qaldı ve internet-resursnıñ teşkerüv aktında qayd etildi'', - dep qayd ete neşir.
Davanıñ baqılması neticesinde Rusiye mahkemesi yazınıñ müellifini 30 biñ ruble para cezasına mahküm etti.
Ukrayina ile cenkte iştirak etken "Moskva" kreyseri 2022 senesi aprelniñ 13-nde battı. Ukrayina arbiy komandanlığı ve Pentagon geminiñ ukrayin raketaları tarafından urulğanını bildirdi. Rusiye tarafı bunı inkâr ete, ve kreyserniñ ölümini, silâ patlavına ketirgen yanğın neticesinde olğanını ayta. Rusiye Mudafaa nazirliginiñ bildirgenine köre, 500-den ziyade adamdan ibaret olğan ekipaj tahliye etildi. 2022 senesi noyabr ayında işğal etilgen Aqyarda mahkeme "Moskva" kreyseriniñ 17 arbiy hızmetçisini elâk olğanını tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
