Aqyarda Rusiye Federatsiyasınıñ arbiyleri daa bir kere atışlı talimler keçirecek. Bu aqta şeerniñ Rusiye yolbaşçısı Mihail Razvojayev Telegram kanalında bildirdi.
«Yujnıy mol, Kamışova ve Streletskaya körfezlerinde, Hersones burnunda saat 19.00-den 20.00-ge qadar flot atıcı silâdan atışlı talimler keçirecek», – dep yazdı Razvojayev.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
