Büyük ğayıplar sebebinden Rusiye akimiyeti Aqyarda yañı gospital quracaq ola, dep haber ete Milliy tirenüv merkezi.
"O 150 kişilik olacaq, 2024 senesiniñ yazına qadar faaliyetke keçirilmek kerek, amma o meseleni çezemez, çünki duşmannıñ ğayıpları pek çok", - dep yazıla bildirmede.
Haber etilgeni kibi, Rusiye ordusı epsi bir grajdanlıq infraterkibini qullanmağa mecbur olacaq ve yerli sakinlerniñ tibbiy yardım alma aqqını sıñırlaycaq.
Muarririyet bu malümatnı tasdıqlap olamay. Amma evel Azatlıq Radiosınıñ jurnalistleri Aqyardaki şeer hastahaneleri mahsus iş rejimine keçirile dep bildirgen edi. Olar yalıñız yaralı arbiylerni tedaviylev içün qabul ete eken.
Berilgen malümatqa köre, eñ azından üç kommunal tibbiyet müessisesi aman-aman bütünley RF Mudafaa nazirligine berilgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
