Saba Aqyarda raketağa oşağan sesler eşitildi, dep haber ete Qırım.Aqiqat mühbiri.
Rusiye Mudafaa nazirligi ava mudafaa sisteması Krasnodar ülkesi yaqınlarında eki uçucısıznı yoq etti, dep bildirdi.
Soçi ava limanında uçuşlar vaqtınca sıñırlandı. Rusiye Telegram kanallarınıñ malümatına köre, patlavlar Olimpiyskiy parkı yanında ve Soçi merkezinde eşitildi.
«Şeerde yaralanğanlar ve zararlar yoq. Ava limanı ve kurort sistemaları çalışa», – dep yazdı Soçi şeer yolbaşçısı Aleksey Kopaygorodskiy.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
