Ukrayina arbiy quvetleriniñ mahsus operatsiyaları Rusiye tarafından işğal etilgen Aqyarda 64N6E arbiy radarını yoq etkenini bildirdi. Bu aqta resmiy telegram kanalında aytıla.
"Aqyarda duşman S-300 ve S-400 zenit-raketa kompleksleri içün köz olaraq hızmet etken 64H6E RLS ve onıñ antennası yoq etildi. Novozlatopolde dron anbarı zarar kördi, Zaporijjâ şeerindeki Maryanovkada ise MTO anbarı zarar kördi", — dep aytıla haberde.
"Krımskiy veter" telegram kanalı yazğanına köre, Aqyarda Fiolent burnu rayonında 12-nci zenit raketa polkunıñ divizionınıñ pozisiyasında radarlar uruldı.
Yanğın çıqqanı ve radarnıñ qapıları bütünley yanğanını qayd ete ediler.
Rusiye Mudafaa nazirligi vaziyetni izaatlamadı. Qırım.Aqiqat bu malümatnı cenk şaraitlerinde mustaqil olaraq teşkerip olamay.