Qırım ve Aqyar boyunca rusiyeli Tahqiqat komitetiniñ idaresi, bala ölümi sebebinden cinaiy davanı açtı.
Müessisege köre, 10 aylıq oğlançıq hanede bir özü qalıp, pencere üstüne minde ve 9-ıncı qatta aşağı tüşti.
Ana-babası o vaqıt başqa hanelerde olğanı bildirile.
Tahqiqat komiteti, olıp keçken vaqianıñ kerçegini bilmek içün ekspertiza tayinlengenini qoştı.
Sentâbrniñ başında, altı yaşındaki qızı beşinci qatnıñ penceresinden tüşken, Aqyar sakinine qarşı cinaiy dava açılğanı haber etile edi.
İyülniñ soñunda, Keriçte 2017 yılı doğma bala, beşinci qatta olğan kvartiranıñ penceresinden tüşip ketkeni bildirile edi.
