Yılnıñ başından berli Aqyarda 14 adam (olardan 12-si bala) qasartqı çaqmaları içün hastahanelerge muracaat etti. Şeerniñ rusiyeli akimiyeti bildirgeni kibi, açıq avada oturışlarnısevgen adamlar mıqayt olmalı. Tabiatqa çıqmaqtan evel, ihtiyat tedbirleri körülmeli: urba oldıqça bedenni qapatmalı.
Qan içken qasartqı - insanlar içün telükeli olğan infektsiyalarnı taşığan aşer. Bu hastalıqlarnıñ eñ belli olğanı - qasartqı entsefaliti. Bundan ğayrı qasartqılar, borrelioz (Laym hastalığı), erlihioz, anaplazmoz ve daa bir qaç hastalıqlarnı taşıy bile.
Akimiyetniñ malümatına köre, er yıl Aqyarda 300 adam qasartqı çaqmaları içün hastahanelerge muracaat ete, olarnıñ çerigi - 14 yaşınace balalar.
Yılnıñ başından Qırımda endi yedi tasdıqlanğan Laym hastalığı adisesi qayd etildi.
