«Rusiye Federatsiyasınıñ Qara deñiz flotu ştabına ücüm etilgen soñ 34 zabit elâk oldı, aralarında Rusiye Qara deñiz flotunıñ komandanı bar. Daa 105 işğalci yaralandı. Ştab binası tamir etilmeycek alda», – dep bildirildi.
Rusiye tarafı bu haberni izaatlamağan edi. Bu malümatnı alternativ malümat menbalarında tasdıqlamaq imkânsız ola.
Sentâbrniñ 22-nde kündüz işğal etilgen Aqyarda bir qaç patlav aqqında belli oldı. Şeerniñ Rusiye valisi Mihail Razvojayev Telegramda Rusiye Qara deñiz flotunıñ ştabına qarşı raketa darbesi aqqında bildirdi.
Rusiye Mudafaa nazirligi darbeden soñ bir arbiy ğayıp oldı, ava mudafaa quvetleri beş raketanı urıp tüşürdi, dep bildirdi. Lâkin uydu fotoresimleri ve videolarda bir qaç raketa nişanını urdı. Aynı vaqıtta içtimaiy ağlarda darbe neticesinde altı yaralanğan kişi bar, dep yaza. Rusiye Qara deñiz flotunıñ ştab zararları aqqında malümatnı mestaqil menbalarda tasdıqlamaq imkân yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
