Aqyarda aprelniñ 23-nde qırımtatar tilinde bala söz ustalarınıñ yarışı keçirildi. Yarışta 35 bala iştirak etti – birinci sınıf talebelerinden başlap gençlerge qadar.
Qırım.Aqiqat mühbiriniñ bildirgenine köre, iştirakçiler arasında Aqyarda yaşağan genç ukrainler de bar edi. Yarışnı qırımtatar milliy-medeniy cemiyeti şeerniñ milliy-medeniy merkezi ve «Aqyar» qırımtatar birleşmesiniñ yardımınen teşkil etti.
Yarışçılarğa Qırımtatar yazıcılar birliginiñ reberi Üriye Edemova yolbaşçılığında jüri qıymet kesti. Jüri balalarnen qırımtatar tilinde laf etti.
Eñ küçük balalar şaqalı şiirlerni oqudı. Bütün iştirakçilerge mahsus azırlanğan bahşışlar – kitap ve cep defterleri – berildi.
Yarışnıñ genç iştirakçileri Qırım.Aqiqat mühbirne qırımtatar tilini mektep tögereginde ögrengenini tarif etti. Ukrain yarışçıları mektepte ukrain tilini fakultativ olaraq ögrenmege teklif etilmegenini ayttı.
