Rusiyeniñ «Sevtelekom» ve «Sevmobayl» telefon bağ operatorı mayısnıñ 28-nde Qırım.Aqiqat saytını kene blok etip başladı.
Bu aqia Qırım.Aqiqat mühbiri yerli sakinlerniñ aytqanlarına esaslanıp bildire.
«Opera» brauzerinde «Sevtelekom» operatorı üzerinden saytqa kirmege tırışqanda şöyle yazıla: «Saytqa kirip olamaymız. Bağ üzüldi».
Saytnı VPN servisi vastasınen baqmaq mümkün.
«Sevmobayl» cep telefonı bağı operatorı üzerinden «Opera» brauzerinde Qırım.Aqiqat saytına kirmege tırışqanda servernen bağ quruluvı imkânsız ola, dep haber etile.
Bundan ğayrı, Aqyarda IOS sisteması altındaki Qırım.Aqiqat cep telefonı ilâvesi çalışmay.
Qırım.Aqiqat saytını Psiphone ilâvesinde baqmaq mümkün.
Qırım.Aqiqat saytnıñ blok etilüvinen bağlı izaatlarnı «Sevtelekom» ve «Sevmobaylde» almağa tırışa.
«Sevtelekom» ve «Sevmobayl» Qırım.Aqiqat saytını bundan evel de blok etken ediler.
Daa evel haber etilgeni kibi, Qırımdaki on provayder 12 ukrain haber saytını ve 2 içtimaiy ağnı bütünley blok etti. Bundan ğayrı, 28 sayt qısmen bloktan çıqarıldı. Bu aqta Qırım aq qorçalayıcı gruppasınıñ 2019 senesi fevral-mart aylarında keçirgen monitoring neticelerinde aytıla.
