Aqyarda (Sevastopol) 60 yaşındaki yerli qadınğa qarşı cinaiy dava açıldı, o, bankomat aralığında qalğan birevniñ 17 biñ rublesini alğan. Bu aqta Rusiye İİN-niñ Aqyar idaresiniñ matbuat hızmeti bildirmekte.
Politsiya malümatına köre, Rusiye İİN-niñ Leninskiy rayon idaresine, 35 yaşındaki Aqyar sakini olğan qadın muracaat etti, ondan para hırsızlanğanı aqqında ariza yazdı. Polisler 60 yaşındaki pensiyalı qadınnıñ tutıp aldı, evelleri o hırsızlıq içün endi cezalana edi.
"Malüm olğanı kibi, qadın, bankomatta kartasından aqça çıqara edi. Bilinmegen sebepler neticesinde, terminalnıñ bir tehnikiy bozuqlığı oldı ve para berilmedi. Qadın, aqça çıqmağanından, ketti. Başqa apay, pensiyalı şeer sakini, bankomatqa yaqınlaşıp, onıñ aralığında olğan 17 biñ rubleni kördi. O, aqçalarnı aldı, amma ne bankqa, ne de politsiyağa haber etmedi", - denile beyanatta.
Politsiya malümatına köre, şübelengen qadınğa qarşı Rusiye CK-niñ "Hırsızlıq" 158 maddesiniñ 2 qısmına köre cinaiy dava açıldı. Bu maddege köre, beş yılğa qadar apis cezası maküm etile bile.
