Aqyarda aqşam keç vaqıtqa qadar Rusiye Federatsiyası arbiyleriniñ talimleri sebebinden patlav sesleri eşitilecek. Bu aqta mayısnıñ 11-nde Rusiye kontrolindeki şeer yolbaşçısı Mihail Razvojayev içtimaiy ağlarda bildirdi.
"Saat 22:00-larda Severnıy ve Yujnıy mol, Streletskaya, Kamışovaya, Karantinnaya, İnkerman ve Kazaçya körfezleri, Zafer parkı, Hersones burnu, Balıqlava, Laspi, Sarıç burnu, Lukull burnu, Kaça rayonında flot suvaltı diversion quvet ve vastaları ile küreş profilaktik tedbirlerini keçirecek. Çeşit silâ çeşitleri, granata atıcıları ve reaktiv bomba atıcılardan atışlar planlaştırıla", – dep aytıla haberde.
Qırımtatar resurs merkezi, Qırımda 2025 senesi Rusiye ordusı eñ azından 70 arbiy talim keçirgenini bildirgen edi. Bunıñen beraber, QRM-niñ evelki bildirüvlerine köre, talimlerniñ çoqusı keçken seneniñ birinci yarısında keçirildi — iyülniñ soñunda, 2025 senesiniñ başından berli 6 ay içinde RF arbiyleri 45 talim keçirgenini bildirdiler.
QRM, 2024 senesine nisbeten talimlerniñ sayısı eksilgenini qayd ete, o vaqıt eñ az 124 tedbir qayd etilgen edi. Aynı zamanda, 2025 senesine nisbeten köstergiç, 2023 senesine nisbeten daa yüksek, o vaqıt 40 talim keçirildi, 2022 senesine ise 20 talim.