Aqyarda küçlü patlavlar eşitildi, Telegram kanallarında yerli sakinler Rusiye ava mudafaa sistemasınıñ işi aqqında bildire.
«Aqyar gürültili! Resmiy izaatlar bekleymiz», – dep yazdı «Sevastopol slezam ne verit» Rusiyege qoltutqan Telegram kanalı.
«Krımskiy veter» Telegram kanalı bir video derc etti. Tahminlerge köre, uzaqtan kelgen sesler qayd etildi.
Rusiye kontrolindeki Aqyar yolbaşçısı Mihail Razvojayev şeerdeki patlav seslerini Rusiye Federatsiyası Qara deñiz flotunıñ talimlerinen añlattı.
«Şeerde küçlü patlavlar – flotnıñ Şimaliy tarafında cenklerniñ suv altı diversion mudafaasınıñ talimlerini keçirdi, talim atışları kete. Şeer tınç», – dedi Razvojayev.
Arbiy areketler şaraitlerinde bu malümatnı mustaqil menbalarda teşkermek imkânsız ola.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
