Aqyarnıñ Rusiye yolbaşçısı Mihail Razvojayev gece saatlarında şeerge ücüm etken bütün pilotsız uçaqlar urıp tüşürilgenini bildirdi.
"Bugün saba saat 4:30-dan başlap bir qaç saat devamında Aqyarda türlü ava ücüminden mudafaa sistemaları pilotsız uçaqlarnıñ ücümlerini def etti. İlk malümatqa köre, arbiylerimiz pilotsız uçaqlardan ğayrı akvatoriyada yerustü pilotsız uçqan cihaznı yoq ettiler. Bütün şeer hızmetleri azır edi, vatandaş infraterkip obyektleri zarar körmedi", - dep bildirdi Razvojayev.
Oktâbrniñ 29-nda gece ve saba Aqyarda patlav sesleri eşitilgen. Qırım.Aqiqat mühbiriniñ haber etkenine köre, sesler ava mudafaası sistemasınıñ işine beñzey edi.
Oktâbrniñ 27-nde Aqyarıñ rusiye akimiyeti Balıqlava İssilik elektrostantsiyasına pilotsız uçaqlar ücüm etkenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
