Link açıqlığı

Saatnıñ esas haberi

Aqyarda patlav oldı, Rusiye akimiyeti ve yerli sakinler ava mudafaasınıñ işi aqqında haber ete


Nümüneviy fotoresim
Nümüneviy fotoresim

Aqyarda dekabrniñ 30-nda kündüz Rusiye ava mudafaa sisteması çalıştı, dep bildire Qırım.Aqiqat mühbiri.

Onıñ aytqanına köre, saat 11:05-te (yerli saat) Aqyarnıñ merkezinde küçlü ve devamlı patlav eşitildi – kökte eki nişan köründi. Bir danesi tüşürildi, ekincisi İnkerman tarafına ketti, kökte beyaz iz qaldı.

Yerli Telegram kanalları Aqyarda ava mudafaa sisteması çalışa, dep haber ete. «ÇP Sevastopol» Telegram kanalı şeerde Rusiye ava mudafaa sisteması «bir şey» tüşürip, beyaz izli foto ve video derc etti, dep haber ete.

Rusiye Federatsiyasınıñ ava mudafaa sistemasınıñ işi aqqında Aqyarnıñ Rusiye yolbaşçısı Mihail Razvojayev de bildirdi.

«Aqyarda ava mudafaa sisteması çalıştı. Bütün hızmetler çalışa. Arbiylerimiz er vaqıt kibi yahşı çalıştı», – dep yazdı o, Telegram kanalında.

Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG