Aqyarda patlav ve atış sesleri eşitile, dep haber eteler Qırım telegram kanalları.
Bunıñ aqqında "Çp / Sevastopol" telegram kanalı haber etti. "Krımskiy veter" telegram kanalı qayd etkeni kibi atış sesleri şeerniñ Lenino rayonında eşitilgen.
Öz nevbetinde Aqyarnıñ işğal yolbaşçısı Mihail Razvojayev bu beyanatlarnı izaatlap, şeerde "planlaştırılğan talimler ketmekte" dep bildirdi.
Daa evel Aqyarnıñ merkeziy qısmında yerli vaqıtnen saba saat dörtlerde patlavğa ya da basıq top davuşına beñzegen küçlü patlav sesi eşitildi. Rusiyeniñ nezareti astında olğan Aqyarnıñ yolbaşçısı Mihail Razvojayev öz telegram kanalında Rusiye ava ücüminden mudafaa sisteması "pilotsız uçqan cihaznı urıp tüşürgenini" bildirdi.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
