Link açıqlığı

Saatnıñ esas haberi

Aqyarda patlav sesleri eşitildi, yerli haber vastaları ava mudafaası sisteması işlegeni aqqında haber eteler


Nümüneviy resim
Nümüneviy resim

Qırım.Aqiqat mühbiriniñ haber etkenine köre, Aqyarda yerli vaqıtnen saat 00:38 patlav sesleri eşitilgen.

"Aqyarnıñ merkeziy qısmında, pencerelerdeki camlarını titretken ava mudafaası sistemasınıñ çalışmasına beñzegen bir şiddetli patlav sesi eşitildi", - dep haber ete mühbir.

Bu malümatnı diger Rusiye ve Qırım telegram kanalları tasdıqlay.

"Aqyar üzerinde ava mudafaası sisteması çalıştı. Pilotsız uçqan cihaznıñ urıp tüşürilmesi ola bilir", - dep yaza "ÇP Sevastopol" telegram kanalı.

Aqyarnıñ işğal yolbaşçıları ve RF arbiyleri bu vaziyetni daa izaatlamadılar.

Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG